ગાંધીનગરમાં પાટીદાર આગેવાનોની ચિંતન શિબિર: 7 મોટા મુદ્દાઓ પર ચર્ચા, હાર્દિક-ગોપાલની ગેરહાજરી બન્યું કેન્દ્રબિંદુ
ગાંધીનગરમાં પાટીદાર સમાજની ચિંતન શિબિરમાં સામાજિક અને રાજકીય દિશા અંગે મહત્વપૂર્ણ ચર્ચાઓ થઈ. પાટીદાર અનામત આંદોલનના દસ વર્ષ બાદ આ સમિતિના આગેવાનો ફરી એક મંચ પર નજરે પડ્યા. આ બેઠકમાં વિવિધ burning issues પર ચર્ચા થવા સાથે ઘણા અભિપ્રાયો પણ સામે આવ્યા.
આ 7 મુદ્દાઓ રહ્યા ચર્ચાનું કેન્દ્ર:
- લગ્ન નોંધણીમાં માતા-પિતાની મંજૂરી ફરજીયાત કરવી
- ઓનલાઈન જુગારના વધતા દૂષણ પર નિયંત્રણ
- ગોંડલ વિસ્તાર માટે સામાજિક સુરક્ષા સંકલ્પ
- સ્થાનિક ચૂંટણીઓમાં EWS અનામત લાગુ કરવાની માંગ
- પાટીદાર આંદોલનના બાકી કેસો પાછા ખેંચવા રજૂઆત
- કરમસદને આણંદ મનપામાં ન જોડવા માટે માંગ
- યુવા સ્વાવલંબન અને બિનઅનામત આયોગમાં સુધારાની જરૂર
રાજકીય તંગદિલી અને અંદરના વિવાદો
બેઠકમાં આમંત્રણ વિવાદને લઈને પણ તણાવ સર્જાયો. અમદાવાદના PAAS કન્વીનર જયેશ પટેલને આમંત્રણ ન મળતાં શાંતિલાલ સોજિત્રાએ વિરોધ વ્યક્ત કર્યો, જેને લઈ થોડાક સમય માટે અંશતઃ હંગામો સર્જાયો. આ ઘટનાએ પાટીદાર સમાજની આંતરિક ફૂટ તરફ ઈશારો આપ્યો.
હાર્દિક પટેલ અને ગોપાલ ઈટાલિયાની ગેરહાજરી
આંદોલનની મોટી ચહેરાઓમાંથી હાર્દિક પટેલ અને ગોપાલ ઈટાલિયા બંને શિબિરમાં હાજર રહ્યા નહીં. હાર્દિકે સોશિયલ મીડિયામાં પોતાના કામગીરીનો ઉલ્લેખ કર્યો અને શિબિર વિશે સ્પષ્ટ કંઈ કહ્યું નહોતું. ગોપાલ, હાલમાં AAP ના વિસાવદરના ધારાસભ્ય છે, પરંતુ તેમની પણ ગેરહાજરી ચર્ચાનો વિષય બની.
નવા રસ્તાની શરૂઆત કે જૂના રસ્તાનો પુનરાવર્તન?
શિબિરમાં મહત્વપૂર્ણ મુદ્દાઓ પર ચર્ચા થયા બાદ એવો દાવો થયો કે પાટીદાર સમાજ માટે આગામી દિવસોમાં એક નવો રોડમેપ તૈયાર કરવામાં આવશે. જોકે, હાર્દિક અને ગોપાલ જેવી મુખ્ય પાત્રોની ગેરહાજરીએ કેટલાક ગંભીર રાજકીય સંકેતો આપ્યા છે.